Unha avaría rexistrada no mediodía deste mércores mantén sen subministración eléctrica a unha trintena de clientes, entre eles negocios e restaurantes da emblemática rúa do Franco. Segundo informan a Europa Press fontes de Naturgy, trátase dunha incidencia que afecta a un transformador da zona desde pasadas as 1300 horas. As mesmas fontes da compañía aseguran que os seus técnicos “levan toda a tarde traballando” na reparación e a reposición da subministración.