Dúas persoas resultaron feridas tras unha saída de vía na AG-56, no quilómetro 0, ao seu paso por Santiago. Segundo informou o 112, o suceso produciuse minutos antes das 12.00 horas deste domingo e foron varios particulares os que deron a voz de alarma.
A central de emerxencias deu aviso ao Servizo de Urxencias Sanitarias de Galicia-061, Bombeiros de Santiago, Policía Local, Garda Civil e a Agrupación de Voluntarios de Protección Civil de Santiago.
Unha vez no punto, os Bombeiros tiveron que facer uso do material de excarceración para poder liberar ao ocupante do turismo. O ferido foi trasladado ao hospital de referencia, igual que outro dos implicados.
OUTRO ACCIDENTE EN SANTIAGO
Por outra banda, sobre as 12.30 horas deste domingo na AG-56 en Santiago un vehículo chocou contra outro o que provocou que envorcase e queda sobre a mediana.
A alerta deuna o ocupante dun do vehículo que indicou que todos estaban ilesos, pero que o coche empezaba a botar fume. Ningunha das peronas tivo que ser excarcerada, pero si que houbo feridos de carácter leve.
