Un mozo de 30 anos atópanse estado moi grave tras sufrir unha caída de oito metros mentres practicaba escalada nun rocódromo en Santiago na tarde do pasado luns. Ata este establecemento situado no polígono de Costa Vella, en rúa República Checa, desprazouse o helicóptero con base medicalizada en Compostela.
Un particular avisou do suceso, sobre as 20:15 horas do luns, ao 112 Galicia. Expuña que o mozo se precipitou cando estaba a practicar escalada nun centro de lecer. Foron informados 061, Policía Nacional, Policía Local e Agrupación de Voluntarios de Protección Civil de Santiago, entre outros.
Os membros da Policía Local desprazados ata onde se produciu o accidente detallaron que a persoa sufrira unha caída desde un oito metros de altura. Pola súa banda, fontes próximas á investigación explican que ata o lugar desprazáronse membros da Policía científica e xudicial, con dilixencias abertas e análises de probas. Explican que hai hipóteses abertas como un fallo no cable de suxeición.
