A Patrulla de Fiscal e de Fronteiras da Garda Civil de Noia incautou 1.000 litros de gasóleo bonificado nunha empresa situada no Polígono do Tambre. Segundo informou o Instituto Armado, os axentes estaban a realizar un servizo propio de especialidade na zona, cando observaron un vehículo especial que cruzaba a vía.
Déronlle o alto para realizar un control do carburante que usaba e constataron que era gasóleo bonificado. Acto seguido, procederon a inspeccionar a empresa titular do vehículo e acharon un depósito con capacidade para 1.000 litros que contiña gasóleo tipo B. Os axentes cursaron as correspondente denuncias e incautaron o gasóleo atopado e que puxeron a disposición da dependencia provincial de Aduanas.
