HomeSOCIEDADECatro actas de infracción a postos ambulantes por venda de alcol a...

Catro actas de infracción a postos ambulantes por venda de alcol a menores durante o festival O Son do Camiño

Un menor foi identificado con papelinas dunha suposta sustancia estupefaciente.

Publicado o

Por Xornal de Compostela

Axentes da Policía Autonómica levantaron catro actas de infracción a postos ambulantes pola venda de alcol a menores durante o festival O Son do Camiño. Ademais, un menor foi identificado con papelinas dunha suposta sustancia estupefaciente. En concreto, os establecementos carecían tanto de cartel informativo da prohibición e subministración de alcol a menores como de licenza municipal de actividade.

As actuacións producíronse no marco dun dispositivo de prevención do consumo de alcol por este colectivo no marco do evento celebrado a pasada semana en Santiago de Compostela. Nun comunicado, a Consellería de Presidencia, Xustiza e Deportes explicou que, como resultado das inspeccións, identificouse a 103 menores e levantáronse as citadas actas de infracción a postos ambulantes localizados nas proximidades do evento por incumprimento das leis 2/1996 e 11/2010 en actividades de prevención de consumo de sustancias prohibidas a menores.

O dispositivo enmárcase nas actuacións para velar polo cumprimento da Lei 11/2010, de 17 de decembro, de prevención do consumo de bebidas alcohólicas en menores de idade, co obxectivo de previr a venda e subministración tanto en locais de lecer como bares, pubs e discotecas como en supermercados e tendas 24 horas que sexan establecementos expendedores de alcol e tabaco. Tamén se efectúan intervencións preventivas nas concentracións da mocidade nas vías públicas, para controlar e evitar o consumo ilícito. A actividade dos axentes céntrase sobre todo en tarefas de inspección a locais e control de vixilancia das zonas de lecer frecuentadas por menores de idade.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

Atopado o home de 93 anos desaparecido en Santiago

O home de 93 anos que desapreció o sábado na zona da residencia de...

Absolven en Santiago por falta de probas a un acusado de agresión sexual

A sección sexta da Audiencia Provincial da Coruña, con sede en Santiago de Compostela,...

Desaparecido en Santiago un home do 93 anos, usuario dunha residencia de maiores

O operativo de busca para localizar a Aser Núñez Pazos, un home de 93...