Unha colisión na AC-250, ao seu paso pola parroquia de Carballal, entre un camión que transportaba leite e un turismo saldouse sen persoas feridas. Segundo informaron fontes do 112, o suceso produciuse ás 14.15 horas deste venres, no quilómetro catro da devandita vía, e foron varios particulares os que deron a voz de alarma.
O camión, no que viaxaban dúas persoas, saíuse da vía e caeu por un desnivel e o turismo presentaba “bastantes danos”. Con todo, todas as persoas estaban liberadas e ningunha tivo que ser trasladada. Ata o punto desprazáronse Urxencias Sanitarias de Galicia-061, a Policía Local, os Bombeiros de Santiago e a Garda Civil.
