HomeSUCESOSO CEP de Ventín de Ames abre con normalidade á espera de...

O CEP de Ventín de Ames abre con normalidade á espera de coñecer a orixe do brote de gastroenterite

Sanidade, que sitúa os afectados en torno ao centenar, volve tomar mostras de alimentos do comedor e avala o servizo.

Publicado o

Por Europa Press

O Concello de Ames manterá o “normal funcionamento” dos servizos de conciliación municipal, concretamente os comedores escolares, co visto e prace da Consellería de Sanidade despois do brote de gastroenterite dos últimos días con ao redor dun centenar de afectados e do cal aínda se investiga a orixe.

Así se acordou nunha reunión celebrada este luns entre o goberno local e responsables da Consellería, un departamento que espera ter en próximos días os resultados das análises das mostras de alimentos do comedor e dos coprocultivos –análises das feces dos pacientes– para determinar a causa deste brote con epicentro no CEP de Ventín, aínda que tamén afectou ao CEIP Agro do Muíño.

Tras este encontro, o alcalde de Ames, o socialista Blas García, compareceu en rolda de prensa para confirmar o normal funcionamento deste servizo, que é municipal, e agradecer á Administración autonómica e ao conselleiro de Sanidade, Antonio Gómez Caamaño, por porse a disposición do Concello “desde o primeiro momento”.

Ademais, o rexedor destacou a importancia dos protocolos dos comedores e a “profesionalidade” dos traballadores dos mesmos, o cal fai posible prestar este servizo a uns 1.500 usuarios: “Estamos moi orgullosos do noso persoal, da súa profesionalidade e do servizo que prestamos”.

Así mesmo, Blas García agradeceu a colaboración da ANPA, das direccións dos centros e do resto da comunidade educativa, cos que mantivo un contacto “permanente” para informarlles do ocorrido no menor tempo posible. “A nosa prioridade foi a de comunicar no menor espazo de tempo posible e da forma máis transparente calquera novidade sobre o desenvolvemento deste brote”, recalcou.

SANIDADE AVALA O SERVIZO

A decisión de manter dispoñibles os comedores adoptouse despois de que unha inspección de saúde pública, realizada pola Consellería, determinase que as instalacións, o persoal e as prácticas de actividade alimentaria “cumpren cos protocolos establecidos”. Segundo traslada Sanidade, na reunión tamén se acordou –mentres se determina a orixe do brote– trasladar recomendacións á poboación para evitar posibles contaxios.

Así, o departamento sanitario da Xunta, ademais de insistir na necesidade de extremar as medidas de hixiene tanto nos propios centros como nos domicilios para evitar contagios, trasladou ao Concello está guía para que a distribúa entre a comunidade escolar.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Máis de 300 maletas quedan en terra no aeroporto de Santiago tras un colapso no sistema de carga

Este pasado luns á mañá, varios pasaxeiros do aeroporto Rosalía de Castro en Santiago...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Ferida unha muller nun atropelo na confluencia entre Santiago de Chile e Frei Rosendo Salvado

Unha muller resultou ferida na mañá deste luns tras ser atropelada por un vehículo...

Atopado o home de 93 anos desaparecido en Santiago

O home de 93 anos que desapreció o sábado na zona da residencia de...