Unha condutora resultou ferida este luns despois de sufrir unha saída de vía na autovía AG-56, ao seu paso por Santiago de Compostela, nun accidente que rematou co vehículo envorcado.
Segundo a información facilitada polo 112, o sinistro produciuse arredor das 10:15, momento no que varios particulares alertaron á central de emerxencias de que un turismo se saíra da calzada nunha curva da vía, en sentido cara á capital galega.
Nas primeiras chamadas recibidas indicábase ademais que a muller permanecía no interior do coche sen poder saír polos seus propios medios, o que activou un operativo no que participaron distintos servizos de emerxencia.
Ata o punto desprazáronse efectivos da Garda Civil de Tráfico, da Policía Local e dos Bombeiros de Santiago. Porén, unha vez no lugar, os equipos comprobaron que non foi necesario realizar labores de excarceración, xa que a condutora atopábase fóra do vehículo.
