Un mozo resultou ferido en Santiago ao recibir dúas puñaladas por parte doutro na tarde do sábado, polo que tivo que ser trasladado ao Complexo Hospitalario Universitario de Santiago (CHUS). Segundo relatan fontes da Policía Nacional, ao redor das 20.30 horas na Alameda, a vítima “meteuse” coa noiva do outro, o que xerou unha discusión. O segundo asestoulle dúas puñaladas ao primeiro cunha arma branca; despois, o agresor deuse á fuga e aínda non foi localizado.

Doutra banda, o mozo ferido foi trasladado ao CHUS, aínda que, segundo sinalan as mesmas fontes, “non corre perigo a súa vida”.