Un menor foi detido en Santiago de Compostela acusado de provocar varios incendios na cidade, segundo informou da Policía Nacional, que levou a cabo o arresto. Trátase dun mozo que xa protagonizou, segundo outras fontes consultadas por Europa Press, feitos similares. Por parte da Fiscalía, tras a súa detención ordenouse o seu ingreso nun centro de internamento de menores.
O seu arresto produciuse no marco das actuacións levadas a cabo por funcionarios da Comisaría de Policía Nacional en Santiago de Compostela, en colaboración coa Policía Local, para a prevención de incendios.
En concreto, entre os días 7 e 17 de agosto detectáronse varios inicios de incendio nos barrios de Santiago de Vidán e A Rocha polo que se intensificaron as patrullas na zona mencionada.
Froito da presenza policial e da colaboración cidadá, procedeuse á detención dun menor, residente nos barrios mencionados, como presunto autor dos delitos de incendio investigados. Ao detido, fóronlle intervidos dous chisqueiros.
A zona afectada polo sete incendios detectados e nos que participou o servizo forestal de extinción de incendios e os bombeiros, foi de 1,36 hectáreas aproximadamente de extensión.
