Unha muller de 75 anos de idade resultou ferida de consideración ao ser atropelada por un coche nun paso de peóns en Santiago de Compostela. Segundo informan fontes dos servizos de emerxencias consultadas por Europa Press, ocorreu sobre as 10.30 horas da mañá deste luns no Restollal, no paso de peóns que hai fronte ao Corte Inglés.
Os primeiros alertantes sinalaban que a muller estaba tendida no chan, debaixo do vehículo, e que “podía ter unha perna rota”. Tras recibir unha primeira asistencia no lugar, foi derivada ao Hospital Clínico de Santiago nunha ambulancia. Ao parecer, tal e como informan fontes municipais, a muller empezou a cruzar o paso de peóns en verde, pero cambiou a vermello antes de chegar alén e foi alcanzada polo vehículo.
