InicioSOCIEDADE69,1 días, ese é o tempo medio de agarda para unha cirurxía...

69,1 días, ese é o tempo medio de agarda para unha cirurxía en Santiago

O tempo medio baixa en oito días. Os tempos de agarda en consulta sitúanse en case 64 días.

Publicado o

Xornal de Compostela

A área sanitaria da Coruña-Cee foi, a peche de 2023, a que contaba coa maior espera media de toda Galicia para unha cirurxía, con 81 días, practicamente unha semana máis que a mediados do mesmo ano. No lado oposto situábase a de Lugo-A Mariña-Monforte, que se consolida como a de menor demora con 50,3 días de media, aínda que tamén empeora en dous días.

Segundo cifras que publicou nas últimas horas a Consellería de Sanidade, a espera media para unha operación no Servizo Galego de Saúde (Sergas) –quitando o concerto do Hospital Povisa de Vigo– sitúase nos 67,9 días –dous días máis que a mediados de 2023–, con 31.483 pacientes pendentes dunha intervención.

Sanidade deu a coñecer as cifras de listas de espera por área, que sitúa por encima da media á da Coruña-Cee. Tamén superan o dato galego as áreas de Santiago-Barbanza pero é a única que consegue reducilo a unha demora media de 69,1 días, oito menos que a 30 de xuño de 2023; e a de Ourense-Verín-O Barco de Valdeorras, con 70,1 días, tres máis que seis meses atrás.

A seguinte, aínda que xa por baixo da cifra xeral do Sergas, é a de Vigo, con 64,4 días (+0,5 días), e séguelle a de Pontevedra-O Salnés con 63,6 días de espera, un aumento duns 14 con respecto ao dato do 30 de xuño. Finalmente, as que menos demora para unha cirurxía rexistraban a 31 de decembro, aínda que tamén cun empeoramento, son a de Ferrol, con 56,9 días (+8,5), e a de Lugo-A Mariña-Monforte, con 50,3 días (+1,9). No que respecta ao Hospital Povisa de Vigo, a espera media reduciuse en máis de cinco días, ata os 60,9 de media a peche de 2023.

ESPERA DE 73,4 DÍAS PARA CONSULTA

En canto á lista de espera para unha consulta cun especialista, a media de todo o Sergas creceu en algo máis de 10 días con respecto a xuño. Así, a peche de 2023 situouse en 73,4 días, de acordo cos mesmos datos de Sanidade. Neste caso, destaca o aumento da demora media na área de Ourense ata os 130,1 días de media para ter unha consulta externa. Séguelle a de Lugo pero a unha distancia notable, con 86,7 días de media.

Así mesmo, a área de Santiago notifica 63,9 días de espera para ver a un especialista, seguida de Pontevedra (58,2 días), Ferrol (56,5), Vigo (49,8) e A Coruña (49,5).

ÚLTIMAS

Sanmartín asegura que están en prazo para asinar o convenio do parque comarcal de Bombeiros

A alcaldesa de Santiago, Goretti Sanmartín, confirmou que o proceso para asinar o convenio...

Besteiro rexeita falar sobre o expediente aos edís socialistas e di que o proceso conta con “todas as garantías”

O secretario xeral do PSdeG, José Ramón Gómez Besteiro, rexeitou interferir nos expedientes abertos...

O PSdeG pide á Xunta que modifique o trazado do Eixo de Mobilidade en Conxo

O PSdeG e a Asociación Conxo Aberto instaron á Xunta de Galicia a "rectificar"...

Inician as obras do primeiro tramo da Vía Verde Compostela-Tambre-Lengüelle

Este xoves comezaron as obras do primeiro tramo da Vía Verde Compostela-Tambre-Lengüelle no municipio...

Inician as obras do primeiro tramo da Vía Verde Compostela-Tambre-Lengüelle

Este xoves comezaron as obras do primeiro tramo da Vía Verde Compostela-Tambre-Lengüelle no municipio...

Santiago aprobará unha nova ordenanza para regular o uso dos patíns eléctricos e bicicletas

O Concello de Santiago de Compostela ultima a aprobación definitiva dunha nova ordenanza de...

Homenaxe a Xan María Castro en Santiago de Compostela

O sindicato CC.OO. e a Fundación 10 de Marzo renderon homenaxe este sábado a Xan...

LEAVE A REPLY

Please enter your comment!
Please enter your name here