InicioSOCIEDADEA iluminación de Nadal en Santiago aumenta en 50.000 euros este ano

A iluminación de Nadal en Santiago aumenta en 50.000 euros este ano

Adxudicado por 263.780 euros o contrato para a iluminación de Nadal en Santiago.

Publicado o

Xornal de Compostela

A Xunta de Goberno de Santiago de Compostela aprobou este luns a adxudicación do contrato mixto da iluminación de Nadal 2024 á empresa Iluminacións Santiaguesas, que presentou unha proposición económica de 263.780 euros.

Así o confirmou este luns en rolda de prensa a edil Pilar Lueiro, que apuntou que a iluminación do Nadal será “na liña” do do ano pasado, pero con máis arcos e elementos lumínicos en certos puntos da cidade. Esta cantidade supón un incremento no investimento para a iluminación do Nadal con respecto ao ano pasado, cando se destinaron ao contrato 214.000 euros.

Por outra, parte, o programa municipal de conciliación de Nadal desenvolverase entre o día 23 de decembro e o 7 de xaneiro, nas instalacións do CEIP Quiroga Palacios e Monte dos Postes e as familias interesadas poderán presentar a súa solicitude desde este martes, 29 de outubro, e ata o próximo 4 de novembro. Tamén abre este luns o prazo de solicitude para participar no programa de conciliación VacaLudos no Espazo María Miramontes.

O programa de conciliación de Nadal é unha iniciativa municipal dirixida a nenos e nenas empadroados no Concello de Santiago ou que cursen estudos en centros de educación infantil e primaria da cidade (entre o 2º ciclo de educación infantil e o 3º ciclo de educación primaria) con idades comprendidas entre os 3 e os 12 anos, concibido como un espazo educativo, de promoción do lecer e o tempo de lecer, ademais dun recurso para a conciliación familiar e laboral no tempo de vacacións

A oferta de actividades para esta edición desenvolverase durante o período de vacacións escolares: os días 23, 24, 26, 27, 30 e 31 de decembro de 2024 e o 2, 3, e 7 de xaneiro de 2025. O horario será de 9,00 a 14,00 horas, con posibilidade de ampliar o horario co servizo de madrugadores con almorzo (de 7,45 a 9,00 horas) e o servizo de comedor (de 14,00 a 16,00 horas).

ÚLTIMAS

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

As festas da Ascensión reúnen a dirixentes dos principais partidos políticos

O día grande das festas da Ascensión de Santiago de Compostela, festivo na capital...

O concerto Santiago 40 Pop abre as festas da Ascensión cunha Quintana chea de mocidade

As festas da Ascensión arrincaron este mércores en Compostela cunha forte aposta pola música...

UCIN reclama melloras en servizos básicos tras visitar A Rocha Vella e outras zonas de Santiago

A formación política UCIN continúa coa súa campaña de visitas a barrios e parroquias...

As festas da Ascensión reúnen a dirixentes dos principais partidos políticos

O día grande das festas da Ascensión de Santiago de Compostela, festivo na capital...

O concerto Santiago 40 Pop abre as festas da Ascensión cunha Quintana chea de mocidade

As festas da Ascensión arrincaron este mércores en Compostela cunha forte aposta pola música...

Unha exempleada da gardaría Galiña Azul do Polígono do Tambre condenada a 15 meses de cárcere por malos tratos habituais a menores

Unha extraballadora da gardaría pública Galiña Azul do Polígono do Tambre, en Santiago de...