Unha persoa resultou ferida e tivo que ser evacuada tras saírse da vía co seu vehículo e chocar contra unha casa no concello coruñés de Val do Dubra, concretamente na DP-0701 ao seu paso por Portomouro. Segundo a información recollida polo 112 Galicia, o accidente ocorreu pouco antes das 15.00 horas deste sábado e foron testemuñas do accidente os que chamaron aos servizos de emerxencia para informar do ocorrido e explicar que un coche quedara atrapado nunha vivenda.
Ademais, o impacto provocou que o ocupante do vehículo quedase atrapado e fose necesaria a intervención dos bombeiros para liberalo. Unha vez que os bombeiros sacaron ao ferido do vehículo, este recibiu atención médica e foi evacuado. Ata o lugar dos feitos desprazouse persoal do parque comarcal de Santa Comba e profesionais de Emerxencias Sanitarias Galicia-061, que enviaron un equipo a bordo do helicóptero medicalizado con base en Santiago.
