Este luns, 25 de novembro, o Concello de Boqueixón, en colaboración co CPI Antonio Orza Couto e o Centro de Información á Muller (CIM), organizará unha andaina polo Día Internacional contra a Violencia de Xénero, na que participarán máis de 250 nenos e nenas de todas as idades. A actividade, que se desenvolverá a partir das 12:00 horas, terá lugar no núcleo de O Forte, dentro do termo municipal.
Neste acto estarán presentes o alcalde de Boqueixón, Ovidio Rodeiro Tato, a concelleira de Servizos Sociais e Igualdade, Ángela Conde Leis, e representantes do CIM, así como profesorado do centro educativo.
A andaina, organizada co obxectivo de sensibilizar sobre a igualdade de xénero e a importancia de combater a violencia machista, inclúe unha pequena ruta que percorreu parte do núcleo urbano. A iniciativa conta coa participación activa do alumnado do CPI Antonio Orza Couto, quen protagoniza esta actividade e busca promover valores de respecto e convivencia desde idades temperás.
