InicioSANTIAGOAMESParís de Noia e Los Satélites, entre as orquestras que enchen o...

París de Noia e Los Satélites, entre as orquestras que enchen o programa das festas da Peregrina en Ames

'Ames en festas' continúa en Bertamiráns do 7 ao 11 de agosto tras o éxito da Madalena no Milladoiro

Publicado o

Xornal de Compostela

Este mércores, 7 de agosto, arrancan en Bertamiráns as festas da Peregrina, que se prolongarán ata o domingo 11 de agosto, ofrecendo música e verbena para todos os públicos. Estes cinco días de celebracións súmanse aos cinco días de festa no Milladoiro coa Madalena, completando así dez días de troula no marco da programación ‘Ames en Festas’.

Os dous principais núcleos de Ames, O Milladoiro e Bertamiráns, celebran por terceiro ano consecutivo as súas festas de xeito conxunto. A iniciativa “Ames en Festas” é resultado da colaboración entre o Concello de Ames, as comisións de festas do Milladoiro e da Peregrina, e a Xuntanza de Empresarios de Ames (XEA).

As celebracións comezaron no Milladoiro coas festas da Madalena, que atraeron preto de 7.000 persoas grazas á actuación da Orquestra Panorama, e rematan hoxe coa actuación da Orquestra Gran Parada. A partir de mañá, Bertamiráns tomará o relevo coa Peregrina.

O mércores 7 de agosto, ás 23:00 horas, comezarán as festas en Bertamiráns coa actuación da Orquestra París de Noia e a Disco Móbil CDC no campo da festa da Peregrina. O xoves 8 continuará a troula coa Orquestra Los Satélites no mesmo lugar e hora.

O venres 9, ás 21:00 horas, o parque do Ameneiral acollerá o concerto de Guadi Galego. Posteriormente, ás 23:00 horas, a festa trasladarase de novo ao campo da Peregrina coa verbena a cargo de La Banda de Ayer e a discoteca móbil Impacto.

Para o sábado 10 de agosto, está programada a actuación da Requinta da Amaía e a Coral Lojo Batalla, seguidos de Los Coleguitas e a discoteca móbil Fabrik. As festas culminarán o domingo 11 coas actuacións de Airiños do Paseo de Colón, da Banda de Música de Lousame e da Orquestra Tania Veiras.

Ademais, os días 7, 8 e 9 de agosto, as rúas de Bertamiráns serán animadas polos pasarrúas das charangas A Santa Compaña, Os Celtas e a BBB de Ourense.

ÚLTIMAS

Sanmartín xustifica a demora na taxa turística, alegando que “hai que escoitar ao sector”

A alcaldesa de Santiago, Goretti Sanmartín, xustificou este luns que o prazo para a...

O Concello esixe á familia Franco que asuma os custos do traslado das estatuas do Mestre Mateo

O Concello de Santiago deu este luns un paso importante na recuperación das estatuas...

Santiago converteuse no escaparate do queixo galego no Cheese Market Tour

O claustro da Hospedaría de San Martín Pinario, no corazón de Santiago de Compostela,...

A piscina do Milladoiro continúa pechada por reparacións tras o desprendemento do liner

A piscina municipal do Milladoiro, no concello de Ames, segue pechada tras a incidencia...

A piscina do Milladoiro continúa pechada por reparacións tras o desprendemento do liner

A piscina municipal do Milladoiro, no concello de Ames, segue pechada tras a incidencia...

Alba Mourelle imponse en todas as categorías do Baila con Ames 2025

O auditorio da Casa da Cultura de Bertamiráns acolleu o pasado venres 18 de...

O Concello de Ames celebra o Día do Orgullo LGBTIQ+ cun acto institucional, actividades e premio fotográfico

O Concello de Ames sumouse este sábado á celebración do Día Internacional do Orgullo...

LEAVE A REPLY

Please enter your comment!
Please enter your name here