InicioSANTIAGOAMESAmes prepárase para dez días de festas este próximo mes de agosto...

Ames prepárase para dez días de festas este próximo mes de agosto con música e orquestras destacadas

A celebración encadeará as festas da Madalena en Milladoiro e da Peregrina en Bertamiráns, con actividades para todos os públicos

Publicado o

Por David M. Sobrino Platas

Este verán, o Concello de Ames xunto ás comisións de festas da Madalena e da Peregrina e a Xuntanza de Empresarios de Ames, organizan por terceiro ano consecutivo “Ames en Festas 2024”, un programa de festexos que terá lugar dende o 2 ata o 11 de agosto. As festas da Madalena do Milladoiro celebraranse do venres 2 ao martes 6, seguidas polas festas da Peregrina de Bertamiráns, do mércores 7 ao domingo 11.

Entre as actuacións destacan as mellores orquestras de Galicia como Panorama, Gran Parada, Metrópolis, Combo Dominicano, París de Noia, Os Satélites e Los Coleguitas. Tamén haberá concertos de Guadi Galego, La Banda de Ayer e Tania Veiras. Este ano, como novidade, haberá dous pregóns, un nas festas do Milladoiro e outro nas de Bertamiráns.

O programa das festas foi presentado no anfiteatro do Milladoiro, con presenza do alcalde e concelleiro de Cultura, Blas García; María Vázquez, técnica do departamento de Cultura; e representantes das comisións de festas e da Xuntanza de Empresarios de Ames.

O festival Millarock marcará o inicio das festas o venres 2 de agosto, cunha serie de obradoiros musicais e concertos no anfiteatro do Milladoiro, incluíndo a actuación de Onda Dagda, e as actuacións de Biribirlocke, Agoraphobia e Dakidarría na Travesía do Porto.

O alcalde, Blas García, agradeceu o traballo das comisións de festas e destacou a importancia de traer as mellores orquestras para beneficiar o comercio e a hostalería local. Ademais, confirmou que a programación das festas tamén incluirá actividades deportivas como trofeos de fútbol e torneo de baloncesto 3×3.

Finalmente, as festas de Bertamiráns incluirán a segunda edición da Romaría Urbana o sábado 10 de agosto, cunha sesión vermú e concertos durante toda a tarde no parque do Ameneiral, ofrecendo así un espazo para o lecer e o disfrute de toda a veciñanza.

ÚLTIMAS

O Concello de Santiago insiste en que a Xunta ignorou datos clave ao rexeitar a declaración de zona tensionada

O Concello de Santiago considera que a Xunta de Galicia ignorou deliberadamente os argumentos...

Allegue di que a alcaldesa de Santiago non presentou o “papelorio requirido” para declarar a zona tensionada

A conselleira de Vivenda e Planificación de Infraestruturas, María Martínez Allegue, asegurou este mércores...

O PP acusa o goberno de Santiago de “incompetencia” pola perda da declaración de zona tensionada

A concelleira do Partido Popular en Santiago, María Baleato, acusou hoxe en rolda de...

O Concello de Santiago adapta as escolas unitarias do rural para ofrecer por vez primeira servizo de comedor

O Concello de Santiago iniciou este verán un conxunto de obras nas tres escolas...

O Festival Emerxente estréase en Bertamiráns para dar visibilidade á nova xeración musical da comarca

O Concello de Ames impulsa esta semana unha nova proposta cultural que busca poñer...

O río Tambre acolle este sábado a cuarta regata do circuíto provincial de piragüismo

A praia fluvial de Tapia será escenario este sábado, 9 de agosto, dunha nova...

O ‘Ames en Festas 2025’ reivindica a inclusión e a diversidade con pregoeiros de Arcea-Adames e da inmigración

O Milladoiro e Bertamiráns abriron as festas da Madalena e da Peregrina cun dobre...

LEAVE A REPLY

Please enter your comment!
Please enter your name here