InicioSANTIAGOAMESAmes presenta un conto dos Bolechas ambientado na Carballeira dos Trasnos

Ames presenta un conto dos Bolechas ambientado na Carballeira dos Trasnos

O proxecto busca achegar aos máis pequenos este espazo natural como lugar de encontro e lecer

Publicado o

Xornal de Compostela

O Concello de Ames presentou este martes na Escola Infantil Municipal O Bosque o conto “Os Bolechas: A Carballeira dos Trasnos”, unha nova historia protagonizada polos coñecidos personaxes creados por Pepe Carreiro. O relato está ambientado na Carballeira dos Trasgos de Ventín e pretende fomentar o coñecemento deste espazo natural entre a infancia, así como potenciar o seu uso como área de encontro e lecer para as familias.

O acto contou coa presenza do alcalde de Ames, Blas García, quen estivo acompañado polo concelleiro de Xestión do Medio Natural e Atención ao Rural, Javier Antelo, a concelleira de Educación, Carmen Porto, e a técnica da Aula da Natureza, Patricia Reboreda.

O conto presenta unha nova aventura dos Bolechas, que nesta ocasión viaxan ata a Carballeira dos Trasnos para escoller os seus disfraces de Entroido. Durante a súa visita, descobren a fauna e a flora do espazo e deciden inspirarse nos animais do bosque para crear os seus disfraces. O relato conclúe cun xantar na carballeira, recordando a tradición de empregar estes espazos naturais como lugares de encontro e convivencia.

O concelleiro de Medio Natural, Javier Antelo, subliñou que este proxecto busca dar visibilidade á Carballeira dos Trasnos e fomentar o seu uso entre a veciñanza. “Queremos que a xente vexa este espazo como un lugar propio para reunirse e desfrutar da natureza”, explicou.

Pola súa banda, a técnica da Aula da Natureza, Patricia Reboreda, destacou a importancia de usar personaxes recoñecidos como os Bolechas para achegar este tipo de contidos á infancia dun xeito ameno e atractivo. “A nosa idea é que a carballeira volva ser un espazo habitual para as familias, como sucedía antes, onde poidan pasar o día, merendar e xogar”, sinalou.

O Concello de Ames colaborou coa editorial Bolanda e co ilustrador Pepe Carreiro para dar forma a este proxecto. “Desde o principio viron moi clara a idea e souberon como trasladala á historia dos Bolechas”, explicou Reboreda. Ademais, destacou que a decisión de relacionar a fauna local cos disfraces de Entroido foi un acerto, xa que os animais son un elemento moi atractivo para os nenos.

ÚLTIMAS

Dimite a responsable de Protocolo de Santiago tras a polémica pola Medalla de Galicia á princesa

A responsable do departamento de Protocolo do Concello de Santiago presentou a súa dimisión,...

A taxa turística chegará finalmente a Santiago o vindeiro 1 de outubro

A taxa turística comezará a aplicarse en Santiago de Compostela o vindeiro 1 de...

O Concello de Santiago aproba un Plan Económico Financeiro ao incumprir a regra de gasto por 6,7 millóns de euros

O Concello de Santiago aprobou en pleno un Plan Económico Financeiro ao incumprir a regra de...

Felipe Dos Anjos reforza o xogo interior do Monbus Obradoiro para as dúas próximas tempadas

O Monbus Obradoiro anunciou a incorporación do pívot Felipe Dos Anjos para as dúas...

UCIN critica o atraso na posta en marcha da brigada de incendios municipal en Ames

O coordinador de UCIN Galicia e candidato á alcaldía de Ames, José Luis Calo,...

Vandalizan un cartel de apoio ao colectivo LGBTIQ+ en Ames e escriben ‘sida’ por encima del

Un cartel cunha mensaxe en apoio ao colectivo LGBTIQ+, situado no inicio do termo...

Ames activará en setembro un mercado de horta e artesanía para dinamizar a economía local

O Concello de Ames porá en marcha a partir de setembro un novo mercado...

LEAVE A REPLY

Please enter your comment!
Please enter your name here