O Concello de Santiago trasladou ao Consello Municipal de Educación que construirá “nunha nave ou parcela de titularidade municipal” unha cociña que centralizará os menús dos comedores escolares que sexan da súa competencia.

Así o avanzou durante a reunión a concelleira de Educación, Míriam Louzao, quen explicou que un estudo realizado respecto diso confirmou que “ningún” dos colexios actuais cumpre coas características “de dimensión e accesibilidade” para albergar esta cociña.

A edila destacou que, con esta decisión, o goberno local quere impulsar un “novo modelo” de comedores cuxa insignia sexa a “aposta polo produto local e de quilómetro cero”.

Ademais, o Concello quere conseguir comedores “máis amigables” para os nenos a través un plan de adaptación dos espazos. Este mesmo curso empezarase coas obras no CEIP Santiago Apóstolo.