O Centro Xove de Creación Cultural de Santiago acollerá o próximo 5 de outubro a xornada ‘Mover os Marcos’, un encontro no que os mozos debaterán sobre temas como as relacións sociais, a saúde mental, o medioambiente, o deporte, o rural e a tecnoloxía.
O evento terá charlas con aforamentos reducidos que faciliten a participación do público. Como preludio ao evento, o día 3 de outubro, a Sala Capitol acollerá unha xornada previa coas actuacións de Alana e Momboi.
Segundo informou o Concello, as entradas para ambos os eventos serán gratis e están dispoñibles na plataforma ‘Eventbrite’.
A alcaldesa de Santiago, Goretti Sanmartín, mostrou o seu agradecemento por celebrar o encontro na cidade que é un “centro de efervescencia” de ideas e transformación.
“Este proxecto é o resultado dunha traxectoria da área de cultura da Deputación, que leva tentando mover os marcos e dando voz ás persoas creadoras durante anos. Iso é o que temos que facer desde as institucións e favorecer a participación da xente nova e escoitar as súas propostas”, afirmou a rexedora compostelá.
Neste sentido, destacou a “importancia de escoitar” aos mozos que se fan “preguntas esenciais” e que realiza “magníficas propostas” en todos os ámbitos.
