InicioSANTIAGOO Concello de Santiago personarase no 'caso Desproi'

O Concello de Santiago personarase no ‘caso Desproi’

A Asesoría Xurídica asumirá a representación e defensa municipal tras a solicitude da Fiscalía

Publicado o

Xornal de Compostela

A segunda tenente de alcaldesa e portavoz do goberno local de Santiago, Míriam Louzao, confirmou que a Asesoría Xurídica do Concello asumirá a representación e defensa do consistorio nas dilixencias previas presentadas contra varios membros da corporación municipal no marco do ‘caso Desproi’. Louzao fixo este anuncio nunha rolda de prensa celebrada no Pazo de Raxoi.

Na xunta de goberno local deste luns, o executivo municipal acordou autorizar á Asesoría Xurídica a personarse como prexudicado nas dilixencias previas. Esta decisión chega despois de que a semana pasada a Fiscalía solicitase a declaración de dous funcionarios do Concello de Santiago, concretamente o interventor e o secretario, como testemuñas na causa activada tras unha denuncia do PP en 2023.

ORIXE DO CASO

O ‘caso Desproi’ investiga a adxudicación dun contrato de arrendamento “por razóns de urxencia” a favor de Desproi Promocións S.L., aprobado pola xunta de goberno local en setembro de 2021, baixo a administración do socialista Xosé Sánchez Bugallo. Esta investigación provocou a dimisión, a principios do ano pasado, do entón concelleiro socialista José Manuel Pichel, quen estivera vinculado á sociedade cando se autorizou o contrato.

“Nos últimos días chegaron ao Concello as citacións como testemuñas de dous funcionarios municipais. Son as primeiras das que temos coñecemento e, analizada a situación, ordenamos que se presente como parte do proceso”, explicou Louzao. Ademais, indicou que a representación e defensa permitirán “ter coñecemento das mesmas e facer o exercicio das accións civís e penais necesarias”.

Dentro deste acordo, tamén se autorizou a contratación, con carácter excepcional, dun procurador que asuma a “representación procesual” do Concello, ao tratarse dun “procedemento relevante” da xurisdición penal.

ÚLTIMAS

Dous botes de laca, orixe dun incendio nunha vivenda compostelá

A explosión de dous botes de laca para o pelo provocaron un pequeno incendio...

O Concello executará obras no CEIP Quiroga Palacios e destina 300.000 euros ao mantemento dos centros escolares

A concelleira de Educación de Santiago, Míriam Louzao, presidiu este xoves unha nova sesión...

Sumar Galicia aproba o seu protocolo de federación con Sumar estatal

O Movemento Sumar Galicia aprobou este sábado, na súa reunión da Coordinadora Nacional, o...

O Obradoiro acolle un acto en memoria das 66.519 persoas refuxiadas falecidas nos últimos tres anos

A Praza do Obradoiro foi escenario este xoves da conmemoración do Día Mundial das...

Dous botes de laca, orixe dun incendio nunha vivenda compostelá

A explosión de dous botes de laca para o pelo provocaron un pequeno incendio...

Sanidade espera que o novo decano de Medicina finalice o mandato como o único de toda Galicia

O conselleiro de Sanidade, Antonio Gómez Caamaño, desexou "sorte" ao novo decano da Facultade...

O Concello presenta o vehículo ‘Neno’ como eixo dun proxecto piloto de micromobilidade para reducir o uso do coche privado en Santiago

O Concello de Santiago presentou este mércores un proxecto piloto de micromobilidade sostible que...