O presidente da Xunta, Alfonso Rueda, deu a benvida este sábado a membros da asociación DisCamino á súa chegada á Praza do Obradoiro de Santiago tras realizar a Ruta Xacobea. Discamino é unha asociación que axuda a persoas con discapacidade a peregrinar ata Santiago. Nesta ocasión, tres persoas puideron cumprir o seu soño de realizar o Camiño, acompañadas de catro pilotos e dúas furgonetas de apoio.
Os participantes saíron desde Salamanca o pasado 25 de maio e realizaron oito etapas, que culminaron na mañá deste sábado. O presidente, que é membro de DisCamino e en moitas ocasións realizou etapas con eles, felicitou aos peregrinos e animou á asociación a seguir coa súa misión.
