Os parques municipais de Santiago de Compostela quedan pechados desde as 14:00 deste luns por mor do aviso amarelo por vento. O Concello adoptou a medida ante a previsión de refachos que poden superar os 80 quilómetros por hora.
O Concello da Coruña tamén decretou o peche dos parques. Na cidade herculina, a medida aplícase durante toda a xornada e esténdese aos cemiterios e hortos urbanos.
Galicia ten este luns avisos activos por vento, choiva e temporal costeiro. Segundo a previsión de MeteoGalicia, o vento soprará do suroeste e irá gañando intensidade ao longo da xornada, con intervalos fortes tanto en terra como no mar.
Os ceos estarán anubrados e as precipitacións serán máis frecuentes e intensas no oeste e no sur de Galicia. Nesas zonas, a choiva arreciará especialmente cara á noite e durante a noite.

