Xeral de Ordenación Municipal (PXOM) para prohibir a instalación de pisos turísticos na zona vella e nas rúas próximas. Ademais, establecía limitacións en barrios como o Ensanche.
Segundo lembrou a voceira do Goberno local, Míriam Louzao, Aviturga presentou un recurso ese mesmo ano, admitido polo TSXG, que fundamentou na falta de informes da Dirección Xeral de Aviación Civil (DGAC) e da Delegación do Goberno. Así mesmo, a entidade referíase á falta de motivación para definir a actividade de vivenda de uso turístico como actividade de hospedaxe, ao considerala unha intromisión en competencias autonómicas.
A Sala rexeitou todos estes fundamentos e resolveu que eses informes non eran preceptivos porque a modificación do PXOM non altera as determinacións do plan vixente en materia aeronáutica nin tampouco queda claro en que podería afectar a falta do informe da Delegación do Goberno. Con todo, concluíu que a asimilación das vivendas de uso turístico ao uso de hospedaxe é a axeitada e axústase á normativa.
Agora, unha vez rematado o prazo para presentar un posible recurso de casación, a sentenza foi xa declarada firme mediante un decreto do 25 de xuño.
