InicioSOCIEDADEInaugurada a exposición 'Unha ollada sobre Palestina' no centro sociocultural de Conxo,...

Inaugurada a exposición ‘Unha ollada sobre Palestina’ no centro sociocultural de Conxo, con 22 fotografías de Gaza

A mostra reúne 22 fotografías cedidas polo autor Hosny Salah, un xornalista e fotógrafo palestino que documentou o conflito desde o seu inicio para reflectir "como se estaba vivindo a situación" e, así, "concienciar á cidadanía"

Publicado o

Xornal de Compostela

A Plataforma Compostela por Palestina, en colaboración co Concello de Santiago, inaugurou este venres a exposición ‘Unha ollada sobre Palestina’ no Centro Sociocultural (CSC) de Conxo. A mostra reúne 22 fotografías cedidas polo autor Hosny Salah, un xornalista e fotógrafo palestino que documentou o conflito desde o seu inicio para reflectir “como se estaba vivindo a situación” e, así, “concienciar á cidadanía”, segundo explicou un representante da organización cidadá tras a exposición, Miguel Fernández.

As fotografías van acompañadas de códigos QR que permiten acceder a información concreta sobre cada unha das imaxes. Neste sentido, Fernández reivindicou: “Non nos podemos quedar parados mentres asistimos ao intento de destrución total dun pobo e dun territorio, en algo que xa vai máis aló dun xenocidio”. A exposición ten un carácter itinerante e, antes de chegar ao barrio de Conxo, púidose ver no CSC de Vite, o CIFP de Compostela e o IES Terra do Xallas, en Santa Comba.

COLABORACIÓN E APOIO DO CONCELLO

Así mesmo, a alcaldesa de Santiago, Goretti Sanmartín, trasladou a solidariedade coa causa da mostra: “Apoiamos todas aquelas iniciativas que teñan como obxectivo visibilizar a situación terrible que está a vivir o pobo palestino”. Para a rexedora, “o xenocidio que se está producindo dá conta de que algo pasa na humanidade cando se están asasinando a miles de persoas, miles de nenos e nenas” e, ademais, está a mostrar “imaxes que producen calafríos”. “Hai determinadas organizacións políticas que miran cara a outro lado”, reprochou.

Pola súa banda, a tenente de alcalde e concelleira de Dereitos e Servizos Sociais, María Rozas agradeceu á plataforma “todo o traballo que fai polo pobo palestino” e “visibilizar” en Santiago “a situación deste xenocidio que está a vivir Gaza”. Segundo lembrou, esta mostra fotográfica forma parte dun acordo ausmido no pleno municipal e apoiado por BNG, Compostela Aberta e PSOE, que inclúe outras iniciativas que se irán desenvolvendo ao longo destes meses.

ÚLTIMAS

Reaccións á restitución das estatuas: “é o traballo de moita xente” di o exasesor xurídico do Concello de Santiago

"É un éxito de moita xente, do traballo de varios equipos, gobernos, grupos e...

Sanidade espera que o novo decano de Medicina finalice o mandato como o único de toda Galicia

O conselleiro de Sanidade, Antonio Gómez Caamaño, desexou "sorte" ao novo decano da Facultade...

San Pedro sae á rúa: guía día a día das súas festas

O barrio de San Pedro prepárase para vivir unha nova edición das súas festas,...

Paralizan as obras da Intermodal de Santiago para denunciar a negativa da patronal da construción a negociar

As obras da estación intermodal de Lugo víronse interrompidas durante unha hora este xoves...

Sanidade espera que o novo decano de Medicina finalice o mandato como o único de toda Galicia

O conselleiro de Sanidade, Antonio Gómez Caamaño, desexou "sorte" ao novo decano da Facultade...

O Concello presenta o vehículo ‘Neno’ como eixo dun proxecto piloto de micromobilidade para reducir o uso do coche privado en Santiago

O Concello de Santiago presentou este mércores un proxecto piloto de micromobilidade sostible que...

O acusado de abusar dunha muller en Santiago nega os feitos e asegura que o contacto foi consentido

O home acusado de abusar sexualmente dunha muller en Santiago de Compostela en outubro...