InicioSANTIAGOPersoal de Yáñez en folga denuncia unha situación laboral "insustentable" nos centros...

Persoal de Yáñez en folga denuncia unha situación laboral “insustentable” nos centros de Santiago, A Coruña e Ferrol

Traballadores do grupo Yáñez en folga denunciaron unha situación laboral "insustentable" que afecta os centros de traballo da empresa en Santiago de Compostela, A Coruña e Ferrol.

Publicado o

Xornal de Compostela

Traballadores do grupo Yáñez en folga denunciaron unha situación laboral “insustentable” que afecta os centros de traballo da empresa en Santiago de Compostela, A Coruña e Ferrol. Así, mobilizáronse este martes no tres cidades coincidindo coa primeira xornada de folga convocada pola CIG para esixir respostas ás demandas de información do persoal sobre o seu futuro.

Tal e como explicou o delegado do sindicato no concesionario da Coruña, Jesús Rodríguez, a crise agravouse nos últimos meses con “atrasos salariais, condicións laborais precarias e unha grave falta de subministracións” que, segundo apuntou, impide aos empregados desempeñar as súas funcións. Nesta liña, tamén denunciou que se lles debe mes e medio de salarios e que se lles pagou só a metade do correspondente a un dos períodos.

Ademais, o representante sindical manifestou que outro problema é a falta de pezas e materiais. Segundo Rodríguez, os centros da Coruña, Ferrol e Santiago “carecen de compoñentes esenciais, como pintura ou recambios, o que imposibilita a reparación de vehículos e a atención aos clientes”.

SEN INFORMACIÓN

Tamén volveu a denunciar a desaparición do xerente, “único interlocutor co persoal”, o que deixou ao persoal nun “limbo informativo”. Actualmente, detallou a CIG nunha nota de prensa, a empresa atópase nun preconcurso de acredores, cun prazo que finaliza o 8 de xuño de 2025.

Por todo iso, a central nacionalista esixe que a dirección ou o administrador concursal presenten solucións urxentes para reverter a situación, ou ben mediante un plan de viabilidade ou, “de ser necesario”, unha resolución ordenada do posible peche. Ademais, o sindicato expuxo que entre as propostas recibidas mencionouse unha posible redución do 50% do cadro de persoal, o que consideran “inaceptable sen un diálogo previo”. De non presentarse outras propostas, a CIG avanzou que valorará convocar novas mobilizacións e folgas.

ÚLTIMAS

O Obra perde ante o Gipuzkoa Basket nun partido “terrible”

O Monbus Obradoiro perdeu este sábado na trigésimo terceira xornada da liga contra o...

Santiago inaugura a súa Feira do Libro con máis de 70 actividades e encontros literarios

Este sábado deu comezo na Alameda de Santiago a Feira do Libro de Santiago,...

O Consorcio de Santiago comeza os traballos de mantemento na Casa do Cabido

O Consorcio de Santiago iniciará nos próximos días os traballos de mantemento na Casa...

‘O Ulla si’ visibiliza a oposición veciñal ao proxecto de Altri en Palas de Rei

O documental O Ulla si chega este domingo a Santiago de Compostela cunha sesión especial no cine Númax, ás...

O Consorcio de Santiago comeza os traballos de mantemento na Casa do Cabido

O Consorcio de Santiago iniciará nos próximos días os traballos de mantemento na Casa...

O Concello iniciará o luns as obras de mellora da accesibilidade no cruzamento de Xeneral Pardiñas e República del Salvador

O Concello de Santiago levará a cabo unha serie de melloras no cruzamento entre...

Ecoloxistas e veciños de Conxo piden a paralización das obras do Eixo por danar o Banquete de Conxo

Veciños do barrio de Conxo e activistas de Ecoloxistas en Acción concentráronse este martes...