Centenares de traballadores de Correos manifestáronse na mañá deste mércores polas rúas de Santiago de Compostela durante a segunda xornada de folga convocada polo sindicato CGT en protesta polo acordo asinado por CC.OO., UGT e CSIF.
Segundo o sindicato convocante, a folga tivo un seguimento que alcanzou o 90% no centro de tratamento postal do Lavacolla, en Santiago, co que este mércores e mañá xoves “practicamente non haberá repartición en moitas vilas de Galicia”, como apunta nun comunicado.
En demanda da retirada do acordo subscrito polo tres sindicatos e a dirección da empresa pública, CGT reuniu a 300 traballadores na capital galega para reclamar un novo convenio que recolla incrementos salariais e outras melloras.
O sindicato afirma que a folga tivo “un 50” de seguimento entre o persoal convocado, especialmente na Coruña e Santiago, onde se chegou “ao 60%”.
CGT celebra como “rotundo éxito” o seguimento da folga e piden a dirección e sindicatos asinantes “que retiren inmediatamente o documento e apostar por un convenio que mellore significamente as condicións e traballo máis precarias que existen no sector público”.
