InicioSANTIAGOA USC remite ao Claustro a proposta de novos Estatutos e amplía...

A USC remite ao Claustro a proposta de novos Estatutos e amplía o prazo de devolución da débeda

O documento inclúe achegas da comunidade universitaria e mantén aberto o debate sobre a estrutura organizativa da institución

Publicado o

Xornal de Compostela

O Consello de Goberno da Universidade de Santiago de Compostela aprobou este xoves a remisión ao Claustro Universitario da proposta de novos Estatutos adaptados á Lei Orgánica do Sistema Universitario. A documentación deberá agora ser debatida neste órgano antes da súa aprobación definitiva.

Segundo informou a institución, o texto integra máis de 800 achegas realizadas tanto pola comunidade universitaria nun período previo de consulta pública, como polos membros do Consello de Goberno na súa última revisión. A proposta mantén abertas cuestións clave para o debate no Claustro, como o modelo organizativo da universidade, a posible existencia ou non de Departamentos, así como o nivel de participación dos distintos sectores da comunidade universitaria nos órganos de goberno.

Ademais, nunha sesión extraordinaria, o Consello de Goberno aprobou a ampliación do prazo de devolución da débeda bancaria da USC. A medida implica a renegociación dos prazos de tres créditos bancarios para garantir o inicio das obras da Fase 1 da nova sede da Facultade de Farmacia, que terá un custo total de 24,57 millóns de euros e un prazo de execución de 2025 a 2028.

A reestruturación da débeda permitirá que os fondos inicialmente destinados á amortización en 2025 e 2026, que ascenden a 7,59 millóns de euros, sexan utilizados para cubrir as necesidades económicas da nova infraestrutura. A decisión conta coa correspondente autorización da Consellería de Facenda.

ÚLTIMAS

(VÍDEO) A veciñanza critica o deseño para peóns e bicicletas da rúa do Pombal

A rúa do Pombal reabriu hai uns meses ao tráfico tras máis de oito...

Alberto Cabada asume o decanato de Matemáticas da USC con ilusión e confianza no futuro

O profesor Alberto Cabada Fernández tomou posesión este venres como novo decano da Facultade...

Cáritas de Santiago atende a máis de 46.000 persoas en 2024, un 8% máis que o ano anterior

Cáritas Diocesana de Santiago destacou que atendeu a 46.512 persoas en 2024, un incremento...

Detidas 16 persoas pola estafa do “falso sicario” a usuarios de páxinas de citas

A Policía Nacional detivo 16 persoas no marco da 'Operación Bachata', entre elas dúas...

(VÍDEO) A veciñanza critica o deseño para peóns e bicicletas da rúa do Pombal

A rúa do Pombal reabriu hai uns meses ao tráfico tras máis de oito...

Alberto Cabada asume o decanato de Matemáticas da USC con ilusión e confianza no futuro

O profesor Alberto Cabada Fernández tomou posesión este venres como novo decano da Facultade...

Cáritas de Santiago atende a máis de 46.000 persoas en 2024, un 8% máis que o ano anterior

Cáritas Diocesana de Santiago destacou que atendeu a 46.512 persoas en 2024, un incremento...