A sección sexta da Audiencia Provincial da Coruña, con sede en Santiago de Compostela, absolveu a un home dun delito continuado de agresión sexual sobre a súa sobriña cando era menor de idade.
Na sentenza, facilitada este mércores polo Tribunal Superior de Xustiza de Galicia (TSXG) e contra a que cabe recurso de apelación, o tribunal explica que “non existe proba, nin siquera mínima” que apoie a acusación contra o suposto agresor, para o que se pedían 15 anos de prisión.
Para o tribunal, a declaración da denunciante e o resto de probas dispoñibles, aí como a carencia de “elementos periféricos suficientes de corroboración”, non permiten “alcanzar unha sólida convicción de certeza do feitos obxecto de acusación, allea á presenza de dúbidas e incertezas, que permita enervar a presunción de inocencia do acusado e fundar un pronunciamento condenatorio”.
Desta forma, e tras reiterar no fallo “as dificultades probatorias concorrentes no suposto axuizado”, consideran que existen “quebras ou discrepancias na declaración da vítima” sobre elementos ou “datos non anecdóticos ou accesorios” que impiden crear unha proba de cargo “suficiente” contra o procesado.
Así, a sala entende que “a presenza de incertezas que impiden xustificar a hipótese acusadora e a existencia de proba suficiente enervatoria da presunción de inocencia que ampara ao acusado, o que non pode senón abocar ao ditado dunha sentenza absolutoria”.
