O Concello de Santiago de Compostela anunciou que organizará este nadal unha campaña chamada ‘Este Nadal concilia no bosque dous artistas perdidos’ para facilitar a concilación das familias con fillos maiores de 12 anos durante o período festivo.
Tal e como trasladou a concelleira de Xuventude, María Rozas, este mércores en rolda de prensa, a iniciativa contará con “actividades musicais da man da Casa do Rock, un taller de ficción sonora, outro de cianotipia, talleres de moda e actividades lúdicas dirixidas por monitores de tempo libre”.
Así mesmo, este campamento do Nadal levará a cabo no Monte do Gozo entre o 23 de decembro e o 6 de xaneiro, salvo os festivos de Nadal e Ano Novo, en horario de 9.30 horas a 14.30 horas. Os días 27 e 28 de decembro organizarase ademais unha acampada nocturna.
En relación coas prazas, serán 30 nun principio, pero poderán ampliarse en caso de ser necesario. A inscrición terá que realizarse polo correo electrónico dptoxuventude@santiagodecompostela.gal ou polo teléfono 981 542 457 entre o 9 e o 18 de decembro.
OFERTA PARA OS PEQUENOS EN ‘ESPAZO DO APEGO’
En canto ao que aos máis pequenos refírese, ‘Espazo Apego’ xa anunciou o seu habitual ‘Festa do Apego’ para o sábado 21 de decembro a partir das 12 horas no Auditorio de Galicia con “unha chea de xogos, contos e actuacións”.
Ademais, confirmou diferentes “actividades divertidas” para nenos de entre 0 e 6 anos que terán a lingua galega como eixo central e que se desarrolarán de luns a xoves durante este mes de decembro.
CULTURA PREPARADA PARA 2025
Doutra banda, Compostela Cultura fixo pública xa a programación para o primeiro semestre de 2025 con “33 propostas de teatro, danza e circo, que prestan especial atención á escena galega “.
A obra encargada de abrir a tempada será ‘Guerra’, de ‘Teatro do Noroeste’, o 17 de xaneiro no Teatro Principal. As entradas para esta e todas as demais ofertas culturais foron xa postas ha disposición da cidadanía na páxina web compostelacultura.gal e no Punto de Información Cultural de Santiago.
