A concelleira de Memoria Histórica, Míriam Louzao, e a xornalista especializada neste ámbito, Montse Fajardo, presentaron este mércores a xornada ‘El patronato de protección a la mujer’, coa que o Concello pretende visibilizar a violencia exercida contra as mulleres que pasaron por esta institución franquista que estivo activa desde 1941 ata 1985.
Encadrado na semana de sensibilización con motivo do 25N, este evento terá lugar o vindeiro venres 29 de novembro no CSC das Fontiñas.
Todas as persoas interesadas en asistir, poden inscribirse a través dun formulario.
Míriam Louzao remarcou que, con esta xornada, o Concello arrinca “unha nova liña de traballo centrada na recuperación da memoria das mulleres” que se chamará ‘As mil marías’, que estará enfocada en “pór en valor o papel das mulleres na sociedade”, tanto no ámbito galego como no compostelán.
