A Policía Local de Santiago de Compostela detectou unha nova concentración numerosa de coches –máis de 200 vehículos– no Polígono de Costavella.
Segundo informou, a concentración produciuse sobre a medianoite do pasado venres 8 ao sábado 9 de novembro e foi interceptado un vehículo, ao que se denunciou por condución temeraria, carecer de ITV e por reformas de importancia.
Non é a primeira vez que se producen este tipo de concentracións de vehículos na zona da Sionlla. De feito, mesmo foron denunciadas por formacións políticas como o PSOE de Santiago.
Ante a existencia deste tipo de reunións numerosas de vehículos, a Policía local intensificou os controis para tratar de evitar situacións ilegais e de perigo.
