Un home foi detido este luns en Santiago de Compostela despois de protagonizar un altercado nun autobús urbano, onde, segundo o relato dunha muller que viaxaba no mesmo, mostrou os xenitais e realizou actos obscenos.
O autobús estaba nunha parada regulamentaria na Praza de Galicia cando sucederon os feitos. Ao decatarse do que estaba a suceder, foi o condutor do vehículo o que deu aviso á Policía, que se presentou no lugar e detivo ao home.
Polo menos unha muller denunciou os feitos ante a Policía dado que estes feitos obscenos, segundo a súa propia versión, ocorreron á beira da súa filla menor de idade.
