O paso do exhuracán ‘Kirk’ por Galicia tombou varias árbores na histórica Alameda de Santiago que, a pesar de estar pechada, varias persoas transitaban polo recinto.
Así, un dos exemplares, que estaba arrincado de raíz, levantou parte do chan o que levou á ruptura dalgunha tubaxe pola que saía auga.
No paseo dos Leóns, do mesmo parque, tamén caeron varias ramas. De feito, segundo informou este mércores en rolda de prensa o concelleiro de Mobilidade e Convivencia, Xan Duro, a maioría das intervencións (45) realizadas polos efectivos de foron por árbores e ramas caídas.
No mediodía desta xornada, os efectivos aínda tiñan 42 incidencias sen atender xa que, debido ao volume de actuacións, tiveron que “priorizar as máis importantes”.
Aínda que a entrada ao parque está cortada, os únicos que poden acceder ao recinto son os residentes e as familias usuarias da gardaría que se atopa na Alameda. Para o acceso ao centro infantil os pais ou cruzan o parque ou deben ir por unhas escaleiras que carecen de ramplas para os carros dos bebés.
