InicioSANTIAGOKirk levanta parte do tellado do conservatorio e dalgunhas empresas no polígono...

Kirk levanta parte do tellado do conservatorio e dalgunhas empresas no polígono Costa Vella

Así o informou este mércores en rolda de prensa o concelleiro de Mobilidade e Covivencia, Xan Duro, que detallou que os Bombeiros, entre as 02.00 horas e as 11.00 horas desta xornada, realizaron 53 saídas

Publicado o

Xornal de Compostela

O exfuracán ‘Kirk’, xa convertido en borrasca, deixou un regueiro de incidencias en Santiago, con caídas de árbores, muros, rúas cortadas e levanta parte do tellado do conservatorio de música.

Así o informou este mércores en rolda de prensa o concelleiro de Mobilidade e Covivencia, Xan Duro, que detallou que os Bombeiros, entre as 02.00 horas e as 11.00 horas desta xornada, realizaron 53 saídas.

Delas, puntualizou, 45 foron por árbores e ramas caídas, tres por saneamento de fachadas, unha por inundacións, dúas por carteis caídos e dous por saneamento da vía pública.

No mediodía desta xornada, os efectivos aínda tiñan 42 incidencias sen atender xa que, debido ao volume de actuacións, tiveron que “priorizar as máis importantes”.

Tamén hai dous cortes de estradas por árbores caídas: un na rotonda de Vidán e outro na avenida de Lugo. As liñas de autobús máis afectadas foron a 6 e a 6A, a 5, as circulares e a 7.

“Bastantes das liñas xa funcionan con normalidade, hai outras que acumulan atrasos e algunhas están a regularizar os servizos”, detallou Xan Duro.

Con todo, as maiores afectacións foron no conservatorio de música, coa caída dunha parte do tellado; no colexio de Fontiñas, onde a caída dunha árbore provocou a ruptura dunha lumieira; o tellado dunha empresa do polígono Costa Vella está afectado; e o Centro Sociocultural da Trisca perdeu algunha chapa.

Nesta xornada tamén “houbo multitude” de cortes de luz e, actualmente, hai 400 luminarias sen luz por afección dos postes e a “normalidade irase recuperando”.

Nas estradas tamén “houbo bastantes bolsas de auga”, inundacións e un “pequeno desbordamento” en Brañas do Sar, onde está activado o nivel de prealerta.

ÚLTIMAS

Santiago autoriza dúas pancartas contra a mina de Touro e a guerra en Gaza na Alameda

Por iniciativa da Plataforma veciñal de Mina Touro-O Pino NON e coa autorización Concello...

O Concello prevé reabrir a vindeira semana a rúa do Pombal tras completar as obras

A rúa do Pombal, pechada ao tráfico dende xuño de 2024 por mor das...

(AXENDA): opcións para facer en Santiago ata o 14 de abril

Do deporte urbano á escena galega máis actual, pasando polas festas de barrio e...

O Goberno central confirma o remate inminente da Estación Intermodal de Santiago, que levará o nome de Castelao

A Estación Intermodal de Santiago de Compostela atópase na recta final da súa construción...

Deteñen ao presunto autor dun roubo nunha xoiaría en Santiago

A Policía Nacional detivo a un home como presunto autor dun roubo nunha xoiaría...

A Garda Civil detén en Oroso un veciño con haxix e marihuana destinados á venda

A Garda Civil de Santiago de Compostela detivo esta semana a un home no...

Trasladado un traballador e desaloxado un edificio tras o incendio nun local de hostalaría da praza de Cervantes

Un traballador dun local de restauración de Santiago tivo que ser trasladado tras un...