O avance de partipación para esta xornada na cidade de Santiago foi dun 28,41%, segundo se deu a coñecer ás 14:00. Isto supón un descenso dun 3,88% respecto ás últimas eleccións europeas no ano 2019, nas que a participación estivo posiblemente influenciada por coincidir cos comicios municipais.
Esta porcentaxe supera á media do territorio galego, que no seu conxunto sumaba ás 14:00 un 26,49% de partipación, con tan só medio millón de electores, un 6,43% menos que no ano 2019.
No conxunto de España, esta porcentaxe é un 28%, un 6,74% menos que nas últimas eleccións, con case 10 millóns de votantes. A comunidade autónoma con máis participación até o momento é o País Valecià, cun 33,15%, fronte a un 16% das cidades autónomas de Ceuta e Melilla, á cola dos datos de participación.
PARTICIPACIÓN POR CIDADES E NA COMARCA COMPOSTELÁ
Entre as cidades galegas, Pontevedra e A Coruña son as que máis participación obtiveron durante as votacións desta mañá, cun 28,26% e un 28,01% respectivamente.
Entre as que menos participación rexistraban ás 14:00 atópanse Vigo (27,71%) e Ferrol (27,83%).
Pola súa banda, no resto de concellos da comarca compostelá as participacións foron semellantes, con Boqueixón á cabeza (31,71%), seguidas de Vedra (28,43%), Teo (27,05%), Val do Dubra (26,87%), Ames (25,02%) e Brión (23,24%).
