O líder do PP de Santiago, Borja Verea, anunciou que traballará este mércores, 11 de novembro, durante a xornada de folga xeral. Nun comunicado, o popular confirmou que manterá a súa actividade habitual despois de que a alcaldesa de Compostela, Goretti Sanmartín, anunciase que secundará a convocatoria e suspenderá a súa axenda de traballo.
Verea afirmou que respecta a decisión da rexedora e explicou a súa postura. «Eu o mércores vou traballar, como fago todos os días, porque o meu compromiso é estar ao servizo dos santiagueses, escoitar os seus problemas e traballar para buscar solucións», declarou.
