O Concello de Santiago anunciou este luns que será o vindeiro venres cando celebre o pleno extraordinario no que se tome a consideración o paso a non adscritos dos concelleiros díscolos do PSOE e a aprobación da ordenanza da taxa turística, ademais de abordar o asunto do cadro de persoal.
A portavoz municipal, Míriam Louzao, deu conta desta decisión nunha rolda de prensa celebrada tras a reunión semanal de xunta de goberno local. O pleno chegará tras a vista celebrada o venres pasado, cuxo fin era resolver a petición dos edís afectados (Mila Castro, Mercedes Rosón, Gonzalo Muíños e Marta Álvarez) contra a súa expulsión do PSOE. A este respecto, aínda se espera a resolución xudicial.
