Así o confirmou a concelleira de Capital Cultural, Míriam Louzao

A concelleira de Capital Cultural, Míriam Louzao, confirmou que a saída oficial dos edís expulsados do grupo socialista compostelá non se producirá no pleno municipal que se celebrará esta semana. En declaracións aos medios, a tamén portavoz municipal explicou que este martes era o último día para que unha das persoas interesadas presentase alegacións. “Pero neste pleno, por prazos, foi imposible porque o pleno se convocou antes”, explicou. Unha vez recibidas as alegacións, sinalou, o secretario municipal debe facer un informe de resposta. A continuación, tomarase coñecemento no pleno da resposta que sexa.