InicioPOLÍTICAO PP pide crear un itinerario accesible na Alameda para persoas con...

O PP pide crear un itinerario accesible na Alameda para persoas con discapacidade

A proposta céntrase en garantir a autonomía e participación de toda a cidadanía nos espazos verdes

Publicado o

Xornal de Compostela

A concelleira do Partido Popular de Santiago, María Baleato, presentou esta semana unha proposta para implantar un itinerario accesible no parque da Alameda, co obxectivo de eliminar barreiras e facilitar o acceso aos espazos verdes da cidade a persoas con discapacidade física, sensorial ou intelectual.

A edil sinalou que os parques, xardíns e zonas verdes son lugares fundamentais de socialización, lecer e encontro, e subliñou que “os nosos espazos públicos deben estar preparados para ser usados de forma autónoma por todos os cidadáns, sen excepcións”.

Segundo Baleato, algúns concellos xa contan con percorridos sinalizados adaptados para persoas con mobilidade reducida ou con discapacidade visual, o que permite unha experiencia máis inclusiva: “Estas zonas de lecer, malia seren pensadas como lugares de descanso e convivencia, presentan a miúdo obstáculos físicos que impiden a súa utilización plena a unha parte da poboación”.

A concelleira considera que esta realidade supón unha limitación de dereitos fundamentais, como o acceso á cultura, ao deporte ou ao ocio, e compromete a liberdade de movemento e elección de moitas persoas. “Un parque debería ser, ante todo, un espazo aberto a todos. Cando non o é, pérdese parte do seu sentido social”, asegurou.

Dende o grupo municipal popular proponse que o proxecto comece pola Alameda, por tratarse dun lugar emblemático, tanto pola súa localización no corazón histórico de Santiago como pola súa alta frecuentación por parte de residentes e visitantes. “Santiago pode percorrerse a pé polos seus parques, pero debemos avanzar moito máis na planificación dunha cidade verdadeiramente accesible”, remarcou.

A iniciativa forma parte dun chamamento máis amplo a repensar o urbanismo compostelán desde unha perspectiva inclusiva, que permita a todas as persoas gozar dos espazos comúns en igualdade de condicións. O PP local convida ao goberno municipal a ter en conta esta proposta e iniciar un estudo técnico que avalíe as necesidades de adaptación da Alameda e doutros espazos naturais da cidade.

A proposta está pendente de ser debatida nos órganos municipais competentes, e súmase ás demandas recorrentes de colectivos de persoas con discapacidade e entidades sociais que reclaman medidas concretas para avanzar na accesibilidade universal en Santiago de Compostela.

ÚLTIMAS

Un total de 1.400 alumnos correrán pola defensa do galego este xoves en Santiago

Un total de 1.400 alumnos de educación infantil, primaria e secundaria de 17 centros...

Televés comunica despedimentos relacionados co ERE que afecta a máis de trinta traballadores de Santiago e Oroso

Televés comezou a comunicar despedimentos nun Expediente de Regulación de Emprego (ERE) que afecta...

A EOI e o IES de Sar presentarán un libro bilingüe de historias breves

Este xoves, 8 de maio, terá lugar a presentación do libro 'Fifty 50-Word Stories...

Goretti prevé para a semana que vén a celebración do pleno polos edís expulsados do PSOE

A alcaldesa de Santiago, Goretti Sanmartín, estimou este luns que "o máis probable" é que...

O PP solicita explicacións e reparación inmediata do ascensor de Triacastela

O concelleiro do Partido Popular de Santiago, Adrián Villa, demanda a reparación urxente do...

O PP de Santiago critica a situación dos contratos dos centros socioculturais e pide a dimisión de Xan Duro

O concelleiro do Partido Popular de Santiago, José Ramón de la Fuente, expresou de...

LEAVE A REPLY

Please enter your comment!
Please enter your name here