InicioPOLÍTICAJosé Miñones descarta presentarse á alcaldía de Santiago e aposta polo seu...

José Miñones descarta presentarse á alcaldía de Santiago e aposta polo seu labor en Mercasa

O presidente de Mercasa reitera o seu compromiso coa entidade pública e valora a situación do PSOE compostelán no XV Congreso do PSdeG

Publicado o

Xornal de Compostela

O presidente de Mercasa, José Miñones, participou este domingo no XV Congreso do PSdeG, onde aproveitou para felicitar a José Ramón Gómez Besteiro pola súa elección ao fronte da nova Executiva socialista. No acto, Miñones deixou clara a súa postura respecto a unha posible candidatura á alcaldía de Santiago de Compostela, descartando esta opción e reafirmando o seu compromiso coa súa actual responsabilidade na empresa pública.

“Cando estou nun sitio estou ao 100% e, por tanto, agora mesmo dedícome ao 100% no que é levar esta empresa pública, que é onde vou seguir estando ao longo destes anos”, explicou Miñones.

Durante o evento, o presidente de Mercasa tamén foi preguntado pola situación do PSOE compostelán, un asunto que, como compostelán, vive de cerca. “Doeme moito a situación, porque ademais, como compostelán, coñezo a todas as partes e, por tanto, dame pena que a situación sexa esa”,  comentou. Ademais, fixo fincapé na importancia de cumprir coas bases do partido: “Tamén estou totalmente de acordo con que hai que cumprir as bases”.

O Congreso do PSdeG, que reuniu a numerosos representantes socialistas de toda Galicia, serviu de escaparate para a renovación do partido e para a definición das liñas estratéxicas de cara aos próximos procesos electorais. A posición de Miñones mantense firme dentro da súa xestión en Mercasa, sen aspiracións a novos cargos políticos a curto prazo en Santiago de Compostela.

ÚLTIMAS

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

(VÍDEO) A Asociación de Pacientes do CHUS denuncia unha vez máis que o sistema de buzón para consultas vulnera a normativa sanitaria

A Asociación de Pacientes e Usuarios do CHUS, con sede en Santiago de Compostela,...

Santiago acolle a reunión europea de liderado en física moza con participantes de máis de 20 países

A cidade de Santiago será o escenario da 13th Young Minds Leadership Meeting, un...

Inaugurada a exposición ‘Unha ollada sobre Palestina’ no centro sociocultural de Conxo, con 22 fotografías de Gaza

A Plataforma Compostela por Palestina, en colaboración co Concello de Santiago, inaugurou este venres...

O PSdeG propón para o pleno do 3 de xuño unha moción contra a LGTBIfobia

O Grupo Municipal Socialista de Santiago de Compostela levará ao Pleno do vindeiro 3...

Sanmartín responde ás críticas polo cartel da Ascensión: “Hai unha planificación estupenda e artistas de primeiro nivel”

A alcaldesa de Santiago de Compostela, Goretti Sanmartín, participou este mércores nunha entrevista en...

O PSdeG acusa ao Goberno local de inacción pola falta de avances na venda de parcelas e o abandono do Parque de Carlomagno

O Grupo Municipal Socialista de Santiago de Compostela presentará no Pleno do vindeiro 3...