A Comisión Executiva Municipal do PSdeG-PSOE de Santiago, en coordinación cos concelleiros Marta Abal e Gumersindo Guinarte, decidiu apoiar a tramitación dos orzamentos municipais de 2025 despois das negociacións mantidas co goberno local.
A formación socialista explicou que a decisión foi tomada tras recibir toda a información requirida sobre o proxecto orzamentario, concretar o calendario de execución das obras e actuacións previstas para este ano e garantir a inclusión dun Plan de Drogodependencia transversal na cidade.
Segundo indicaron desde o partido, esta decisión reafirma o compromiso do PSdeG-PSOE coa veciñanza de Compostela, asegurando que seguirán traballando na defensa dos seus intereses. Ademais, anunciaron que mañá a concelleira Marta Abal realizará unha valoración detallada da postura socialista respecto aos Orzamentos Municipais de 2025.
