InicioPOLÍTICAGonzalo Muíños, Mila Castro, Mercedes Rosón e Marta Álvarez, expulsados do PSOE,...

Gonzalo Muíños, Mila Castro, Mercedes Rosón e Marta Álvarez, expulsados do PSOE, irán á xustiza se o partido non atende as súas alegacións

Denunciaron que o único motivo de todo o conflito que estalou no pleno do pasado 24 de xuño é que un concelleiro presentase a súa dimisión para "facer sitio" ao secretario local, Aitor Bouza

Publicado o

Xornal de Compostela

Os catro concelleiros do Grupo Municipal Socialista no Concello de Santiago expulsados do Partido Socialista avanzaron que manterán a acta o que resta de mandato e que acudirán á xustiza para defenderse se o partido non atende as súas alegacións. Así o avanzaron Gonzalo Muíños, Mila Castro, Mercedes Rosón e Marta Álvarez nunha rolda de prensa ofrecida este mércores no Pazo de Raxoi despois de que na xornada do martes se coñecese que a dirección federal do partido ratificou a súa expulsión da formación.

Na súa comparecencia, os catro edís subliñaron que en todo momento actuaron con lealdade e compromiso á cidade de Santiago e aos seus electores e denunciaron que o único motivo de todo o conflito que estalou no pleno do pasado 24 de xuño é que un concelleiro presentase a súa dimisión para “facer sitio” ao secretario local, Aitor Bouza. “Tentaron retirarnos do debate público con presións constantes para que algunha de nós entregase a acta desde o minuto un despois das eleccións”, manifestou Mila Castro.

Ademais, Mila Castro, Mercedes Rosón e Marta Álvarez deixaron claro que no seu proceder “non existiu ningún incumprimento de ningunha normativa nin resolución” tendo en conta que o único que fixeron foi non asistir a unha reunión para designar ao novo portavoz que consideraban “nula”, tendo en conta que o que consideran que aínda é portavoz do Grupo, Gonzalo Muíños, aínda non esgotara o prazo para defenderse e presentar as súas alegacións e a súa suspensión de militancia non era definitiva.

ÚLTIMAS

A Xunta e a USC pactan reformular o Máster en Matemáticas e retomar a súa oferta en 2026-27

A Xunta informou "favorablemente" a proposta do novo Máster en Matemáticas da Universidade de...

Atrasado o cobro da taxa turística para outubro tras a oposición da hostalaría a facelo en agosto

A taxa turística empezará a recadarse en Santiago, finalmente, a partir do 1 outubro...

O PSOE afea ao Goberno local non querer facer outro diagnóstico para a zona de vivenda tensionada

O PSdeG de Santiago afeou ao Goberno local que a súa "primeira resposta" á petición de...

O PPdeG critica ao Concello de Santiago por actuar de “maneira improvisada” para pór en marcha a taxa turística

A secretaria xeral do PPdeG, Paula Prado, reprochou a "maneira improvisada" do Goberno local...

O PSOE afea ao Goberno local non querer facer outro diagnóstico para a zona de vivenda tensionada

O PSdeG de Santiago afeou ao Goberno local que a súa "primeira resposta" á petición de...

O PPdeG critica ao Concello de Santiago por actuar de “maneira improvisada” para pór en marcha a taxa turística

A secretaria xeral do PPdeG, Paula Prado, reprochou a "maneira improvisada" do Goberno local...

Rueda acusa a Raxoi de dar “datos dun portal inmobiliario” para pedir a zona tensionada

O presidente da Xunta, Alfonso Rueda, reprochou ao Concello de Santiago que achegase "datos dun...