HomeOPINIÓNDon Manuel, o ‘Museo Nacional de Galicia’ e un autobús a ningures

OPINIÓN

Don Manuel, o ‘Museo Nacional de Galicia’ e un autobús a ningures

Publicado o

Por Daniel Chapela
Daniel Chapela
Daniel Chapela
Daniel Chapela (Meiro, Bueu, 1999) é filólogo galego, membro da USC e coordinador de Cultura do PPdeG desde maio de 2022. Os seus intereses céntranse na política municipal e galega e na dinamización da cultura do país.

Ano 1990. Fraga Iribarne saboreaba a vitoria nos comicios autonómicos, un resultado que lle deixou a primeira maioría absoluta da historia de Galicia. Obtivo tres máis. Ese 29 de xaneiro, o Pazo do Hórreo acollía o seu primeiro debate de investidura e, nel, Don Manuel comprometeuse á creación do Museo Nacional de Galicia, o que hoxe en día coñecemos como Gaiás ou Cidade da Cultura. O que Fraga nunca soubo é que aquel proxecto contaría cun problema nimio de dimensións épicas: a falta de conexión real coa cidade de Compostela.

O problema do transporte público na capital galega non é unha cuestión nova. Leva presente varios anos debido aos incidentes co estado dos autobuses e á ineficiencia das liñas de transporte, temas sobre os que, como cidadáns, cómpre que pidamos explicacións e solucións ao goberno local actual, a quen prorrogou a concesión no 2016 –Noriega, de CA– e a quen, durante catro anos, foi incapaz de sacar adiante o asunto –Sánchez Bugallo, do PSdeG–. Xa en xaneiro de 2016, cando se soubo da decisión do “goberno do cambio”, Agustín Hernández manifestou que esta decisión era prexudicial para a cidade, tema no que segue a traballar, actualmente, o PP compostelán a través do seu voceiro, Borja Verea, e do edil Adrián Villa.

O ‘Museo Nacional de Galicia’, por desgraza, arrastra durante todos estes anos esa falta de conexión coa cidade a través do transporte público –fundamental, por exemplo, nunha cidade na que unhas 20.000 persoas son universitarias–. Pésalle, neste marco, un hándicap tremendamente relevante: para a cultura do resto de Galicia, o Gaiás é Santiago, non Galicia; para os picheleiros, o Gaiás é Galicia, non só Santiago. Sen dúbida, o futuro deste complexo cultural pasa por potenciar a súa proxección en todo o país –o nome non axuda, en contraposición co que acuñara Fraga nese 1990, que lle daba unha entidade plenamente nacional, facendo partícipes a todas as pezas que compoñen Galicia–.

É imprescindible que, no futuro proceso de renovación da concesión do transporte urbano de Compostela –oito anos de caducidade non son moco de pavo–, o goberno local de Sanmartín teña en conta a necesidade de vertebrar a Cidade da Cultura coa capital de Galicia con liñas eficientes, áxiles e con frecuencias suficientes na fin de semana, cando a veciñanza asiste a museos, actividades etc. Van xa nove meses de goberno sen avances claros nesta materia. As causas? Ou ineficiencia ou desinterese. Ou ambas. Escollan vostedes!

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

Deixade a xente desfrutar das cousas

O pasado domingo, por se non o sabiades, xogou a selección española de fútbol...

Dun Apóstolo desaparecido, da falta de valentía política e da necesidade dun cambio

Onde quedaron aqueles tempos dun Santiago de Compostela vibrante, con concertos para todos os...

Eufemismos que crean crispación na sanidade galega

Eufemismo: “ Recurso lingüístico co que se evita unha palabra ou expresión que designa...

LEAVE A REPLY

Please enter your comment!
Please enter your name here