A Consellería de Educación confirmou que o grao superior de estilismo e dirección de peinado do IES Lamas de Abade en Santiago non será cancelado. A consellería asegurou que os distintos módulos deste ciclo de FP dual intensiva teñen o seu profesorado asignado, e só queda pendente a incorporación do docente encargado do módulo de procedementos e técnicas de peinado. Neste sentido, informaron que están a realizarse chamamentos ás listas de profesorado dispoñible para cubrir esa praza no menor tempo posible.
Este anuncio chega tras as críticas dos estudantes do grao, quen o pasado venres denunciaron que lles fora informada a supresión da formación dual debido a que o número de alumnos matriculados (nove) non acadaba o mínimo esixido de doce. Ademais, sinalaron que xa levan dúas semanas asistindo ás clases sen contar cun profesor especializado na área de peinado.
A consellería indicou que está a traballar para asignar o docente correspondente canto antes e garantir que os estudantes poidan continuar a súa formación con normalidade.
