HomeMOV. SOCIAISPacientes do CHUS denuncian as condicións do servizo de quimioterapia

Pacientes do CHUS denuncian as condicións do servizo de quimioterapia

A Asociación de Pacientes e Usuarios relata longas esperas e falta de comodidades no Hospital de Día Oncolóxico

Publicado o

Por Xornal de Compostela

A Asociación de Pacientes e Usuarios do CHUS vén de facer pública unha situación preocupante no servizo de quimioterapia do Hospital de Día Oncolóxico, denunciando o colapso e as deficientes condicións nas que os pacientes reciben tratamento. Segundo a asociación, esta problemática non é nova, pero agrávase co incremento do número de pacientes sen que se amplíe o persoal ou se melloren as infraestruturas.

C.Q.N., filla dunha paciente que leva recibindo tratamento desde o ano 2011, compartiu a súa experiencia: “Esta mesma semana, a xente non tiña espazo suficiente para sentar, con pacientes e acompañantes de pé polos corredores e salas de espera”. Ademais, relatou que a súa nai tivo que pasar doce horas no hospital un só día, destacando a fatiga física e psicolóxica que isto supón, engadida aos efectos da quimioterapia.

Segundo aclaran, as condicións materiais das instalacións non cambiaron en anos e non cumpren coas recomendacións do Ministerio de Sanidade de 2013. As salas de espera resultan insuficientes, os asentos non ofrecen o confort necesario, e a intimidade dos pacientes vese comprometida por cortinas insuficientes que non garanten a privacidade. A falta de espazo adecuado para a atención e longas esperas para recibir medicación son outras das preocupacións expresadas polos usuarios.

O equipo médico e de enfermería, aínda que eloxiado pola súa profesionalidade, aseguran que é claramente insuficiente para atender a demanda. “Son 12 oncólogos e 6 enfermeiras pola mañá, quedando só a metade pola tarde”, indicou a filla da paciente afectada, destacando que isto é inadecuado para atender as seis salas de tratamento, cada unha deseñada para oito pacientes, cando diariamente hai máis de 100 persoas esperando.

A asociación fai un chamamento urxente á xerencia do CHUS e ás autoridades sanitarias para que se tomen medidas que melloren as condicións do servizo. Solicitan unha maior dotación de persoal e a mellora das infraestruturas para garantir unha atención digna e eficiente. “Non é tolerable desde o punto de vista dos dereitos dos pacientes seguir mantendo indefinidamente unha situación que require mellora dos medios materiais e unha maior dotación do cadro de persoal sanitario”, conclúen desde a asociación.

A pesar de múltiples denuncias e a evidente necesidade de melloras, a situación permanece estancada, deixando a pacientes e familiares nunha situación de vulnerabilidade e desatención que afecta directamente ao seu proceso de recuperación e calidade de vida.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

A Asociación de Pacientes denuncia un abandono asistencial no CHUS a un paciente con cancro en remisión

A Asociación de Pacientes e Usuarios do CHUS fixo público o testemuño de V.M.A.P.,...

A USC amplía as súas axudas a estudantes de zonas en conflito para o curso 2024-2025

A Universidade de Santiago de Compostela anunciou a apertura do prazo para a súa...

Veciños do Pombal protestan ante un corte de auga polas obras, que Raxoi xustifica mentres defende: “Hai diálogo”

Unha decena de veciños do Pombal, en Santiago, onde se iniciaron unha semana atrás...

LEAVE A REPLY

Please enter your comment!
Please enter your name here