InicioMOV. SOCIAISTraballadores de Finsa cortan o tráfico nas inmediacións da factoría para reclamar...

Traballadores de Finsa cortan o tráfico nas inmediacións da factoría para reclamar un novo convenio

O vindeiro xoves ambas partes terán un novo encontro.

Publicado o

Xornal de Compostela

Traballadores da compañía madeireira Finsa volveu a cortar de forma momentánea o tráfico nas inmediacións da factoría de Santiago para reclamar avances na negociación dun novo convenio. A protesta foise desenvolvendo na mañá deste luns ás portas da fábrica compostelá, onde varias decenas de empregados de Finsa corearon cánticos como “convenio xusto” antes de interromper o tráfico na N-550 durante uns 15 minutos.

“Temos o convenio caducado desde 2009. Fomos facendo parches ano a ano pero cremos que xa chegou o momento de que a empresa chegue a un compromiso cos seus traballadores”, aseverou Jesús Fernández, delegado de Comisións Obreiras na fábrica de Rábade. Os empregados da madeireira consideran “xusto” que a empresa, despois de “anos de marcas de vendas e beneficios”, blinde no convenio a actualización anual dos salarios en función da subida do IPC.

Ademais, tamén reclaman un aumento do prezo por noite traballada, que ven “moi mal pagas”, así como melloras nos pluses de quenda ou o mantemento do seguro en caso de incapacidade total.

Así as cousas, os traballadores de Finsa, que conta cun persoal dunhas 2.000 persoas nos seus centros produtivos da comunidade, avanzan que continuarán coas mobilizacións se a empresa non accede a sentar a negociar as condicións do novo convenio.

As partes están emprazadas a un novo encontro que terá lugar o vindeiro xoves e, como subliñou Jesús Fernández, esperan que haxa “movementos” despois de que na última reunión a dirección trasladase que non estaban dispostos a mellorar a última proposta.

ÚLTIMAS

Aberto o prazo para presentar propostas de iluminación da contorna da Catedral de Santiago

O Concello de Santiago abriu un concurso internacional destinado a atopar unha proposta para...

Santiago acolle este xoves a concentración de Enfermeiras e Fisioterapeutas

O Sindicato de Enfermaría (SATSE) convocou este xoves concentracións en hospitais de varios puntos...

O reitor da USC, ante o respaldo de Formoso a Medicina na Coruña, recoñece que o debate necesita de “matices”

O reitor da Universidade de Santiago de Compostela (USC), Antonio López, asegurou que non se pode...

A USC recorre a decisión da Xunta de non impartir o Máster de Matemáticas o curso que vén

A Universidade de Santiago de Compostela (USC) recorreu ante a Secretaría Xeral de Universidades...

A USC recorre a decisión da Xunta de non impartir o Máster de Matemáticas o curso que vén

A Universidade de Santiago de Compostela (USC) recorreu ante a Secretaría Xeral de Universidades...

Estudantes lamentan a “morte das matemáticas en Galicia” tras a desaparición do máster da USC

O Consello do Estudantado da Universidade de Santiago de Compostela (USC) lamentou a "morte das...

Mulleres mobilízanse en Compostela para denunciar o xenocidio do pobo palestino

Un grupo de mulleres de Compostela convocou unha mobilización para este xoves 26 de...