O Boletín Oficial do Estado (BOE) publicou en días pasados oito novas expulsións de migrantes acollidas en Santiago de Compostela, ao rexeitarse as súas solicitudes de asilo por non ser considerados refuxiados de guerra. Estas oito persoas, confirmou o Foro Galego de Inmigración, terían que saír do dispositivo do Monte do Gozo a final deste mes. Segundo sinalan, a ONG Rescate — responsable deste dispositivo — contactou co Concello de Santiago para polo ao corrente desta situación. O Concello afirma que estas persoas terán acomodo noutros lugares.

Destacan que o Concello de Santiago está a facer un “esforzo importante”. “Pero non vai chegar se aumentan as denegacións”, sinalou. Ante esta situación, insisten en que debería ser o propio Goberno o que puxese en marcha unha alternativa para resolver estes casos.

Nesta liña, desde a organización comentan que traballan con dúas persoas do dispositivo de Valga que estaban a facer un curso do SEPE, aos que xa deron de baixa do curso, algo que denuncian porque “podían seguir facéndoo sen problema”, e que tamén deberían irse ao redor do 26 de febreiro.

Explican que falaron o responsable de Rescate en Galicia para buscar unha alternativa, “pero xa non colle o teléfono”. Este oito novas expulsións súmanse ás xa notificadas a finais de 2024, cando unha trintena de migrantes recibiron tamén, paulatinamente, as súas solicitudes de asilo rexeitadas. Estas denegacións poden ser recorridas.