InicioECONOMÍAPersoal da consultora DXC Technology mobilízase contra a "perda de poder adquisitivo"

Persoal da consultora DXC Technology mobilízase contra a “perda de poder adquisitivo”

Cúmprese o terceiro mes de folgas

Publicado o

Xornal de Compostela

Persoal do grupo DXC Technology dos centros da Coruña e Santiago están chamados nesta xornada, e na dos días 4 e 5, a xornadas de folga contra a “perda de poder adquisitivo”.

“De entre un 17 e un 19 por cento neste últimos catro anos”, manifestou, en declaracións a Europa Press, o responsable de Servizos Técnicos de CCOO-Servizos, Iván Cordeiro, sobre unha situación que afecta en España a “entre a 6.000 e 7.000 persoas”.

“A nivel de Galicia estamos a falar dunhas 500 persoas, entre o centro de traballo da Coruña e de Santiago”, concretou nunha xornada de mobilización na cidade herculina ante oficinas dos seus principais clientes, Abanca e Bankinter.

Respecto ao seguimento da folga, explicou que é “difícil” de cuantificar “porque hai moitísimo teletraballo” no sector. No entanto, apuntou que nas últimas mobilizacións en Galicia “houbo un seguimento de aproximadamente un 30% do persoal”. “Cremos que hoxe houbo aínda máis”, apostilou. Con esta xornada de protesta, lembrou, cúmprese o terceiro mes de folgas do persoal de DXC, que xa secundou dous días de paro en marzo e outros dous no mes de abril.

En canto á afectación aos clientes das entidades bancarias, Cordeiro sinalou que “principalmente na Coruña o máis afectado é Abanca, igual que nas pasadas concentracións” nas que “houbo bastante repercusión”. En contraposición, fontes da entidade financeira indicaron a Europa Press que a folga non afectou aos seus clientes.

ÚLTIMAS

Piden catro anos de cárcere para un home ao que interceptaron en Castrón Douro con 30 bolsas de cocaína

A Fiscalía pide catro anos de cárcere por un delito contra a saúde pública...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

Nace a Asociación Veciñal Pego-Sar para impulsar a vida comunitaria en Brión

Un grupo de corenta persoas constituíu oficialmente a Asociación Veciñal Pego-Sar tras unha asemblea...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

Protesta ante a sede de Correos no Franco contra “o recorte de servizos” e a “precarización laboral”

CIG-Correos organizou este mércores unha concentración ante a sede da área noroeste de Correos en Santiago...

O Concello pide á Xunta que “deixe de enredar” e que elimine do rexistro ás VUT que non teñen título habilitante

A concelleira de Turismo e portavoz do Goberno local de Santiago, Míriam Louzao, reclamou...

Raxoi avanza no borrador da taxa turística, que quere trasladar ao sector en próximas semanas

A alcaldesa de Santiago, Goretti Sanmartín, acompañada pola concelleira de Turismo, Míriam Louzao, e polo...