A SD Compostela sumou un novo patrocinador para a tempada 2024/25. Laboratorios Ozoaqua, parte do Grupo Quatrium e referente en dermatoloxía a nivel nacional e internacional, asociouse co club compostelán para proporcionar os seus produtos de aceites ozonizados especializados no coidado da pel. Ademais de ter presenza nos soportes publicitarios do equipo, Ozoaqua será o provedor oficial de produtos dermatolóxicos, axudando aos xogadores a manter unha boa saúde cutánea durante toda a tempada.
A pel dos deportistas, suxeita a exposición ao sol, deshidratación e outras agresións externas, é particularmente vulnerable. Os aceites ozonizados de Ozoaqua, grazas ás súas propiedades rexeneradoras, antioxidantes e hidratantes, proporcionarán aos xogadores unha solución eficaz para o coidado das peles máis sensibles e alteradas, destacaron desde o club.
Segundo o xerente da SD Compostela, Miguel Fernández, “é un orgullo contar co apoio dunha empresa compostelá tan recoñecida como Ozoaqua, que non só destaca polos seus produtos, senón tamén polo seu impacto internacional”. Laboratorios Ozoaqua, en pleno proceso de expansión internacional, mellora a calidade de vida de pacientes en todo o mundo, colocando ao laboratorio galego na vangarda da dermatoloxía.
A colaboración presentouse hoxe nas instalacións de Ozoaqua en Santiago, nun acto que tamén serviu para a presentación oficial de Fer Cano e Carlos Cinta, dúas novas fichaxes da SD Compostela. O Director Xeral de Grupo Quatrium, Fernando Pais, destacou a relevancia desta alianza, subliñando o obxectivo de coidar a saúde cutánea dos xogadores e apoiar a un club querido pola cidade.
